طريقة عمل مطبق الباتنجان ( منزله الباتنجان)

المقادير

1. 1/2 كيلو لحمه فرمه
2. حبتين بصل مفرومين ناعم
3. ثلاث باتنجان مقطعين بشكل طولي
4. بهار
5. ملح
6. فلفل
7. فلفل اخضر حار
8. معلقتين كبار رب البندوره
9. زيت للقلي

طريقة التحضير

1. بمقلاه على النار نضع ملعقتين زيت والبصل المفروم ورشه ملح ونحركهم، منضيف اللحمه المفرومه مع التوابل ومنضجنهم مع بعض لحتى يستووو مع التحريك كل فتره والتانيه.
2. نقليه الباتنجان ونضعه على ورق امتصاص الزيت.
3. بصينيه التحضير نضع قطعه من الباتنجان وملعقتين من حشوه اللحمه والبصل ومنغطيها بطبقه باتنجان ومنكمل بنفس الطريقه لحتى انتهي من الكميه الموجوده.
4. بغمر الباتنجان بصوص البندوره ( رب البندوره وماء وملح وفلفل).
5. نضع الصينيه بالفرن على درجه حراره 200 لحتى تتسبك.