طريقة عمل رقاق طرى بقطع الفراخ

المقادير

1. 1/2 كيلو رقاق طرى
2. 1/4 كيلو صدور فراخ مقطع صغير
3. 2 بصله متوسطه مقطعه صغير
4. 3 فلفل اخضر مقطع صغير
5. 3 ثمره طماطم مقطع صغير
6. ملعقه صغيره ملح
7. 1/4 ملعقه صغيره فلفل اسمر
8. 1/4 ملعقه صغيره كمون
9. 1/4 ملعقه صغيره زنحبيل
10. 1/4 ملعقه صغيره بهارات
11. 1/4 ملعقه صغير كارى
12. 2 ملعقه سمنه
13. 2 ملعقه زيت
14. 2 كوب شوربه اى نوع
15. 1 كوب ماء وممكن شوربه لو عندك
16. ملعقه اكل بقسماط ناعم

طريقة التحضير

1. تحضير الفراخ للرقاق فحله على النار حطى ملعقه سمنه وملعقه زيت وحطى البصل ورشه فلفل اسمر واما يصفر حطى الفلفل وقلبى واما يحمر حطى الطماطم والتوابل والفراخ وقلبى مع كوب ماء واول ما يغلى وطى عليها لحد ما تشرب ميتها بعد تلت ساعه تقريبا اطفى عليها وسيبيها تبرد.
2. على رخامه المطبخ افردى الرقاق وحطى ملعقتين من خليط الفراخ ولفي اسطوانه لفتين واتنى من الجنب اليمين والجنب الشمال وكملى لف لحد ما تخلص كميه الفراخ.
3. هاتى صينيه وحطى فيها ملعقه سمنه وملعقه الزيت وادهنى بيها الصينيه كلها ورشه بقسماط ناعم عشان متلزقش ورصى الرقاق.
4. واما تخلصى حطى على كل رقاقه ملعقه شوربه او اسقيها وحطيها فالفرن مسخناه قبل شويه على الصاج لحد ما تغلى.
5. طلعيه على الشبكه ووطى النار لحد ما يحمر وبالف هنا.