محشي الورق عنب

المقادير

1. 1 بصل مقطع صغار
2. 3 ثوم مقطع صغار
3. 1 فلفل بارد مقطع صغار
4. 2 طماطم مقطع صغار
5. 2 كاس رز مصري
6. 1 معجون طماطم
7. 4 فلفل حار مقطع صغار(للي يحبه سبايسي)
8. 1 ملعقه دبس رمان
9. 3 ليمون اصفر
10. ملح
11. بهارات
12. فلفل مطحون
13. كركم
14. 1 ملعقه صغيره سكر
15. بصل اخضر مقطع صغار
16. بقدونس مقطع صغار
17. ورق عنب

طريقة التحضير

1. احمسي البصل مع الثوم بزيت زيتون الين يتشقر بعدين حطي الرز المصري وحطي الطماطم والفلفل بارد
2. بعدين حطي الملح والبهارات والكركم والسكر بعدين حطي نص المعجون الطماطم وحطي عليه بياله زيت زيتون والدبس الرمان والفلفل المطحون واعصري الليمون وحطيه عليه وبعدين قصري على الغاز وخليه ١٠ دقايق بعدين طفيه وحطي البقدونس والبصل الاخضر
3. بعدين لفيه واذا خلصتي حطي في القدر اللي بتحطين فيه الورق عنب بطاطس بقشره مقطع دوائر وطماطم دوائر (علشان مايحترق الورق عنب) واذا صفيتيه اطبخي في قدر لحاله كاسين ماء حار مع حبتين ماجي دجاج وبياله زيت زيتون
4. بعدين صبيه على الورق عنب وخليه يطبخ ساعه ونص واذا استوى صفيه وحطي عليه شرايح ليمون اصفر وبقدونس وبالعافيه 💜