المقادير
- 1/2 كيلو فول حبة صغيرة (الفول السوداني)
- معلقة كبيرة كربونات الصوديوم
- حبة كبيرة بندورة
- 3 أعواد بصل اخضر
- ضمة بقدونس
- رشة كمون
- دبس الرمان او ليمون ( حسب الرغبة )
- ملح حسب الحاجة
- زيت زيتون
- مخلل مشكل
طريقة التحضير
- بنقع الفول وبحط علية بيكربونات الصوديوم قبل بيوم.
- تاني يوم بغسلو من ميتو وبصفي وبحطو بطنجرة الضغط وبحط علية الماء ليغمر الفولات وبحطو على النار.
- بس يغلي وتطلع الرغوة بتشيلي الرغوة وبتضغطي الفولات لمدة ربع ساعة و وبس يستوو بتصفي مقدار كوب ونص من الفول.
- بتكوني مجهزة ومقطعة ناعم البندورة والبقدونس والبصل وبعدها بتحطي الفولات بصحن وبتحطي عليهون البصل والبقدونس والبندورة وبترشي شوية كمون وملح ودبس رمان وبتخلطيهون مع بعضهون.
- اخر شي بتحطي على الوجة زيت زيتون وبتزيني بفلفل احمر وشوية كمون أو أي شي بتحبي تزيني في الوجة وجنبو مخلل وفجل وبصل اخضر ونعناع، وصحتين وهنا.