المقادير
- 1/4 كيلو قمح
- كيلو لبن
- 2 كوب سكر
- ماء للنقع
- 3 ملعقه نشا مع نص كوب ماء للعاشورا
- مكسرات وزبيب وجوز هند حسب الرغبه
طريقة التحضير
- ينقى القمح ويغسل جيدا وينقع لمده 12 ساعه يعنى من بالليل للصبح تقريبا.
- غيرى المياه وحطيه على النار واما يغلى وطى عليه لحد ما يستوى.
- فحله البليله حطى اللبن والسكر ويقدم كبليله.
- للعاشورا بقى هنكمل، بعد سلق القمح صفيه وسيبيه يبرد.
- خودى ربع الكميه اللى اتسلقت وحطيها فالخلاط مع كوبايه لبن.
- بعد الضرب حطيه مع باقى القمح وحطى اللبن والسكر والفانيليا وقلبى عشان ندوب السكر.
- قلبى النشا مع المياه وحطيهم على العاشورا واحده واحده واستمرى فالتقليب عشان ميعجنش منك او النشا يمسك قلبى كويس واما يغلى اغرفى فالاطباق وسيبيه يبرد.
- عند التقديم حطى مكسراتك والزبيب وجوز الهند وبالف هنا.