طريقة عمل خلطه المحشى لكل الانواع

المقادير

1. 2 3 كوب رز حسب كميه المحشى
2. توابل ملعقه من كل من (ملح فلفل كمون بهارات زنجبيل قرفه نعناع شطه)
3. مقادير التخديعه:
4. 3 بصلات كبيره متقطعين كويس تقطيع مش عصير ولا كبه
5. 1/4 كوب زيت اى نوع
6. 3 ك طماطم معصورين طبعا
7. حزمه خضرا من كل من شبت وبقدونس وكسبره ا 2 من كل نوع براحتك

طريقة التحضير

1. بتغسلى الرز كويس جدا وصفيه خالص وتحطى عليه توابلك.
2. التخديعه وهنقول طريقتها لوحدها وقلبى كويس اوى بحيث كل حته تشرب من التوابل والتخديعه وابدأى احشى.
3. طريقة التخديعه: حطى الزيت على النار ومعاه البصل المقطع وقلت مقطع مش عصير لان العصير بياخد وقت فالزيت ومش بيديه طعم المحشى اول ما يصفر انزلى بعصير الطماطم وسيبيها تتسبك يعنى تخلص مياتها وكل شويه قلبيها ومش توطى لأ عادى وعلى ما تتسبك نيجى للخضرا.
4. قطعى الخضرا ضغير خالص بانك بتشيلى تقريبا ربع العيدان وحطيها على بعض واغسليها كويس وانقعيها 5 دقايق فمياه وخل عشان لو فيها طين او اى ترسبات الخل بينضفها يكش لحد ما تعملى البصل والتخديعه وبعدين صفيها كويس واول ما الطماطم تتسبك حطى الخضرا وقلبى كويس اخلطى كله مع بعض وسيبيها مع التسبيكه شويه لحد ما يتغير لونها وبعدين اطفى النار وسيبيها تهدا وبالف ومليون هنا.