طريقة عمل صينية بطاطس وفراخ فالفرن

المقادير

1. فرخه مقطعه 4 قطع
2. 3 بصله متوسطه
3. 3 حبات فلفل اخضر
4. 3 حبات طماطم
5. ملح فلفل كمون ورق لورا زنجبيل بهارات
6. معلقتين سمنه ومعلقه زيت
7. 2 كيلو بطاطس
8. 1/2 كيلو طماطم عصير
9. 2 او 3 معلقه صلصه طماطم
10. مياه حسب الحاجه

طريقة التحضير

1. اقطعى البصل والفلفل والطماطم حلقات اقدحى السمنه والزيت وحطى البصل ورشه فلفل اسمر واما يصفر حطى الفلفل الاخضر وقلبيهم وقلبى.
2. حطى قطع الفراخ وقلبيهم شويه مع اضافه التوابل وكوب مياه بعد التقليب لمده 5 دقايق واول ما تغلى وطى النار وسيبيها 15 دقيقه.
3. تكونى قطعتى البطاطس حلقات وتغسليها وتحطى سمنه وزيت فصينيه ورصى البطاطس وعليهم كوبيتين مياه.
4. خرجى قطع الفراخ فطبق وحطى الخلطه على البطاطس وحطى الفراخ عليهم وادهنى وش الفراخ صلصه ورشه ملح وفلفل.
5. حطى الصينيه فالفرن من تحت لحد ما تغلى طلعيها على شبكه الفرن ووطى النار لحد ما يحمر وشها وبالف هنا.