المقادير
- فرخه كامله
- بصله
- طمطمايه
- فصين ثوم
- معلقه صغيره ملح وربع معلقه قرفه وجنزبيل ونص معلقه صغيره كمون وبهارات مشكله وكزبره ناشفه وبابريكا وفلفل اسود
- عصير ليمونه
- نص فنجان خل
- معلقتين زيت
- مقادير الرز :
- كوب رز بسمتي
- فصين ثوم مفرومين
- لومي (ليمون اسود)
- معلقه صغيره كزبره ناشفه
- ربع معلقه كركم
- معلقه صغيره ملح
- قرفه خشب
- 4 فصوص قرنفل
- فصين حبهان
- ورق لورا
طريقة التحضير
- طريقه الفراخ : هنضرب كل مكونات التتبيله مع بعض في الكبه وبعد كده هنفتح الفرخه من ضهرها ونتبلها كويس بالتتبيله دي وهنسيبها ليله كامله
- تاني يوم هنطلعها من التتبيله ونحطها علي شبكه الفرن ونحط تحتها صينيه ونحط فيها باقي التتبيله ومعاها شويه مايه لان البخار اللي هيطلع علي الفراخ هو اللي هيسويها ونفتح عليها كل ربع ساعه ونشوف كل لما المايه تقل نزود مايه تاني
- والفرخه لو صغيره هتاخد ساعتين ولو كبيره هتاخد اكتر وبعد ماتستوي هنشغل عليها الشوايه وبعدين نحط معاها فحمه ونولعها ونغطي بسرعه عشان الفراخ تاخد طعم وريحه الشوي
- طريقه الرز : هنحمر التوم في معلقه زيت علي النار مع التوابل الصحيحه كلها لحد ما تطلع ريحتها بعد كده هنضيف الرز ونضيف التوابل الناعمه ونقلب كويس جدا وبعدين نحط المايه واهم حاجه تكون سخنه وبعد ماالرز يستوي هنحط معاه فحمه ونولعه ونغطي بسرعه برده عشان ياخد طعم وريحه الشوي وبالهنا والشفا💗