المقادير
- 2 كيلو دقيق
- لتر ماء
- ملعقه صغيره ملح
- ملعقه صغيره سكر
- 5 كوب سمن بلدى
طريقة التحضير
- نضع فى حلة الكسكسى الماء من تحت لانها عبارة عن طبقتين العلويه للكسكسى والسفليه للماء ونضعهم على النار لكى تغلى.
- نضع الدقيق فى طبق واسع نأتى بكوب ماء وناخذ منه ونرش على الدقيق ونبسه زى الدقيق ونرش ونبسه الى ان نبس الدقيق كله ولو احتاج ماء تانى ناخذ نصف كوب الى ان نبسه كله.
- نأتى بالكبه ونضع بها الدقيق ومش نملاها لغايه المنتصف فقط ونشغلها مثل النبضات نغلى ونطفى ونشغل ونطفى ثلاث مرات ثم نخلص الكميه ونضعها فى قطعه القماش ونلمها من الجناب ونضعها فى الحله ونغطيها جيدا.
- بعد 15 دقيقه نشيله ونقلبه فى طبق كبير ونفركه بملعقه-كبيره خشب بالماء مرة اخرى وبياخد حوالى من 3 الى 4 كوبايات ماء وملعقه سمن بلدى كبيره ونرجعه الكبه مرة اخرى ونضربه مثل النبضات مرة ثانيه.
- نخلص نرجعه على القماشه وفى الحله مرة اخرى بس خدى بالك انك تزودى ماء مغلى للحله اوعى تنسى علشان البخار والحلة مش تبوظ منك، بياخد حوالى 15 دقيقه لغايه اما تلاقى لون الدقيق كله بقا زى بعض مفهوش لون الدقيق.
- نخرجه من الحله ومن قطعه القماش ونضعه فى الطبق الواسع وننزل عليه ب4 ملاعق سمن بلدى كبيره بدرجه حرارة الغرفه ونقلب كويس بالملعقه الخشب والسخونيه هتسيح السمن.
- بعدين ناخذ طبق ونغرف فيه ونرش سكر بدرة ومكسرات وباقى الكميه فى اكياس وفى الديب فريزر ونخرجه على طبق ونسخنه فى المكرويف رائع صحه وهنا.