طريقة عمل فته لحمه

المقادير

1. 1/2 كيلو لحمه
2. 4 عدد رغيف عيش محمص او طرى
3. 2 كوب ارز
4. 1 بصلة
5. كوب طماطم معصورة
6. معلقه كبيرة صلصه
7. 3 حص ثوم
8. شوية زيت
9. شويه زبده
10. فلفل، حسب الرغبة
11. ملح، حسب الرغبة
12. كمون، حسب الرغبة
13. 2 ورق لورا

طريقة التحضير

1. نغلى ماء ونضع فيه اللحمه وبصله وورق لورا وفلفل بحبهان ولا نضع الملح الا قبل السوا بشويه.
2. نعمل صلصه الفته: نحمر الثوم فى شويه زبده ونضع الطماطم المعصورة ومعلقه الصلصه وشويه فلفل وكمون وملح وتترك لتغلى.
3. نضع فى حله اخرى زبده وشويه زيت ونضع الارز المغسول والمصفى ونقلبه شويه ثم نضع ماء مغلى او شوربه اللحمه وملح ويترك للسوا.
4. نقطع العيش ونحمرة بشويه زيت للتحميص حتى لو طرى هيتحمص ونعمله دقه بالخل والثوم.
5. نضع فى طاسه زبده وثوم ونحمره شويه ثم نضع شويه خل ونضعه على العيش ونضع عليه شويه شوربه
6. ثم نضع طبقة عيش ثم طبقه ارز ثم الصلصه وترص قطع اللحمه وبالهنا.