طريقة عمل منزلة بيتنجان

المقادير

بنقشر البيتنجان وبنقلي بزيت غزير بعد مايستوي بنصفو بصيتية الفرن وبنتركو ليبرد
بهالوقت بنعمل اللحمة بنحمسها بشوية زيت وبس تستوي شوي بنحط الملح والفلفل والبهار المشكل وبنقلبها شوي لتستوي بعد ماتستوي بنحطها ع جنب وبنفرم البقدونس وبنحطو عليها وبنضيف كمان اللوز المحمص
بنعمل شق بضهر البيتنجانة وبنحشيها لحمة وهيك لحتى نخلص من كل الكمية
بنشرح البندورة وبنصفها فوق البيتنجان وبنرش رشة ملح ع الوجه
بندوب الدبس مع رشة ملح مع كاسة مي دافية وبنسكبهن بالصينية بس مو ع الوجه بأرض الصينية وبندخلها الفرن ﻻزم يكون محمى قبل بوقت
بنحطها ع الرف التحتاني وبنهدي الفرن وبنتركها حوالي نص ساعة بعدين بنطفي من تحت وبنشغل من فوق حوالي عشر دقايق